貝殼館

上星期五因為有事做所以去左香港，雖然是星期五，但香港超級多人，中午在中環區基本上找不到地方食野，所以原本要在1:30pm食飯的我竟然在3:00pm才吃下第一頓飯。

下午正式向旺角出發，若不是非不得已我也不會去旺角這個鬼地方，何耐我個"蝦子餅"超級喜歡逛旺角，因為呢度有好多Hi-Fi店、電器店、電腦店及相機店，雖然我對呢ｄ野有少少興趣，但我只會看一間半間甚至幾間而已，無耐那天我居然行左幾十間．．．．

時間過得好快，隻腳仲行到跛左，話咁快就到Dinner Time了，我從來唔知旺角有什麼地方可以舒服坐低食飯，於是打電話問網友"carjaswong"教路，他便提議我去"朗豪坊"找食店，真是一個天大喜訊，於是向這個地方出發，點知在"朗豪坊"的隔離有間小ｘ羊，我個"蝦子餅"望到眼咁咁，雖然我已向他提及網友已作此食評，水準只是一般，但他仍然堅持想試食，於是選擇光顧它，晚市時段好多人，幸好仍能提供一張舒服的四人檯，而餐牌亦有好多選擇，但我們點了個套餐($288)，可以每樣都試d，套餐中包括：

鴛鴦湯底


2種蚌


醬爆羊肉餃子


肥粉&麵


花餃仔


海蜇(凍食)


羊片&肥牛片


羊胺


明明食火煱，但唔知點解個餐會加個羊胺？不過味道都ok既，至於湯底方面一般，呢餐都可以既．．．．但我個"蝦子餅"就嘈晒話無醬點好失望。飽飯後再去朗豪坊逛逛，邊飲野邊看波。

第二天辦完正經事後便要往深水埗走一趟，深水埗我己經有超過五年未去過了，樣貌沒什麼變化，這天真的很熱，在這裡逛街真難受．．．

臨走前，我們決定往銅鑼灣逛逛，雖然銅鑼灣亦有很多人，但我比較喜歡這裡，因為這裡有很多食肆可供選擇，又有我的至愛 － "Citisuper"，一到步銅鑼灣就去時代廣場的美國餐廳Shooters 52嘆個下午茶，這處是每次來銅鑼灣的必到地，平時我最愛吃Oyster Shooter＆瑞士雞翼跟超大樽的檸檬茶，但我今次選了牛肉芝士粟米片配啤酒，正！我在Citisuper買了些日本空運回港的拉麵＆筍回來回味一番。





Shooters 52 餐廳


在Citisuper買回來日本拉麵（筍也是日本製的）