紅葉之旅行程終於完成 @ 貝殼館

紅葉之旅行程終於完成，所有酒店也book晒了，唯一的是我的機位仲未confirm，居然搭下午機都無位？激死，pl解釋因為好多日本人揀下午離去，所以看來我wait到的機會都幾微

，點解想搭下午機？因為可以在澳門這邊搭船直接去到赤臘角機場，而取替了搭船再搭機鐵咁痛苦．

另一問題是換yen，澳門有一間找換店及一間銀行換yen最平，平均比市面平2.3-6%左右，但係每當yen係平價位時，都會比人換晒，所以要在這6星期的時間得閒換d得閒換d，希望係出發前換晒，咁就可以用平yen.... 我係咪好婆仔呢？？

我有2本東北書，已經比我看到爛了，這種情況以前未試過的，係喎！今次都係我第一次去日本去咁耐，難怪可以去咁多地方，幾乎全本書每個景點都去過．．．

但東北地方不知有什麼美食的店舖值得去試，係呢刻只知有：
仙台：牛舌　　松島：蠔　　盛岡：一口麵

咁青森（除了蘋果）、弘前、十和田（據聞有十和田牛食？是嗎？）、奧入瀨、角館、鳴子、蔵王等大家又有什麼推介呢？？仙台除牛舌外，還有什麼值得試呢？因我會入住2天...