• Dec 18 Thu 2008 19:27
  • 近況

好耐無寫及看大家的BLOG了,大家最近好嗎?我沒出現的原因是我近來很忙,最忙的是工作,其次是少部分為了運動及看電視,由於我的職業與數字有關,所以每逢11月尾至1月,甚至2月份我的工作都忙得不得了,其實我很想在每年聖誕及新年去歐洲的,因為那邊的氣氛極好的,只可惜我沒法在那些日子放長假期!

雖然工作在年尾很忙,但偶然也有補償的,大多數月份會有超時工作補貼,當然也有部分超時工作是沒有補償的,但這些收入也不錯呢!足夠我往外地叉下電。而今年也不例外,雖然高峰期還未過,但已經為冬日之旅儲起些旅費了,但些意外的收入,換來的是星期六及日也要上班,而週日晚晚沒到七點也不能下班呢,還有一天我連午飯也沒出外,那天我竟連續十小時在不停在趕報告書呢!認真可憐,真的是人都巔!

每天忙碌完我只想往會所做些運動,浸下熱浴,所以隔離個個好多時要自己一個人吃飯!可能忙碌的關係,近來我好喜愛玩樓梯機,因它能令我心跳加速及令我流下大量的汗,當放工後能出一身汗感覺真的很好,雖然唔多覺自己瘦左!另一喜愛是浸熱浴,水溫介乎在四十度左右,當浸完五分鐘後我會在休息室看電視,之後再浸一會,再休息然後沖身,這樣全身的累氣也隨即消失呢!

至於電視劇,我頗愛看翡台的九點半三姊妹及十點半煮飯仔,所以看完便上床睡,一整天就這樣過了。但也頗充實呢!我就很喜歡做以上三種事情來放鬆自己!

今天是我這個月來第一天能七時前回家,所以很有興緻上來報告下,更希望在明年出發前可以完成我餘下的遊記!不知大家年尾工作忙不忙呢!若要加班,有沒有加班費呢?而且在忙碌的時候用什麼方法來放鬆自己呢?

 

創作者介紹

貝殼館

blac 發表在 痞客邦 PIXNET 留言(9) 人氣()


留言列表 (9)

發表留言
  • 小娜
  • 我咪就係要睇你個blog有咩新野黎放鬆自己囉,你冇新野的話我鬆弛唔到呀!
  • 貝拉
  • 小娜: 咪寫左羅,運動,浸浴同埋煲劇嘛,我唔會揀食野架.
  • carjaswong
  • 好耐沒見update哩!我也是很忙很忙,不過寫blog是我放鬆的方式.
  • 呵! 係可以既, 不過我會先選擇做其他野先.

    blac 於 2008/12/21 20:33 回覆

  • 大頭仔
  • 忙極都要間中抖下氣呀!
    就快架喇,新年都到架喇!^_^
  • 係, 今年真係過得好快...

    blac 於 2008/12/21 20:33 回覆

  • supageti
  • 諗諗下係我既工作歷史上,除左紅磚學院好似從來未收過加班費 ~~

    一離開辦公室我就會好放鬆 ~ 哈哈 ~
  • 我平時做到扒街都無加班費,只不過年尾會批,都試過批左少少,跟住做凸幾十倍添.

    blac 於 2008/12/21 20:35 回覆

  • 小彭
  • 去你屋企三分鐘任拎立野走我估我可以放鬆得到.
  • 哈哈哈! 賊仔呀..... 我都要去打劫你D公仔.....

    blac 於 2008/12/21 20:37 回覆

  • lau2tang
  • 打工咁耐,我從未試過收雙糧、花紅同加班費~
    我最近的減壓方法是整餅~
  • 整餅好,不過自從D牛油,芝士等起價起到七彩後,我都少整左蛋糕, 因為計埋材料同電費, 好似買番黎仲平D, 不過曲奇就例外, 睇完你整我前天都買左D曲奇材料回家, 希望有時間整啦...

    blac 於 2008/12/21 20:40 回覆

  • 紅米奇
  • 我減壓的最佳方法是去日本, 好有效架
  • 但日元係咁升法, 每次減完壓後都睇到即升番啦...
    所以我每年2,3或4月忙完後一定去走一轉.

    blac 於 2008/12/21 20:42 回覆

  • joeyee
  • 首先呢, 請問點樣可以令到自己有壓力呢?
  • 睇你執唔執著啦, 執著既人壓力會大好多架.

    blac 於 2008/12/21 20:43 回覆

找更多相關文章與討論