香港 - 福岡空港 - 博多 (星期日,陰天)



由於是下午機的原故,我們到達福岡空港已是晚上九時了,但中途會停站台灣大約一小時,當停站台灣時乘客可自選留在機艙內或外出台灣機場之免稅店逛逛,我們選擇了後者,停在台灣大概個多小時,很快飛機便起飛了,而餐方面,我們共有二餐,分別是麵包及飯.

於香港機場餐廳所點的什菌意粉及安格斯漢堡包:2款都很美味!




在未上機前,分別在優x良品及姑慈店舖買了豬肉乾,鴨舌,二個小包及一條皮帶,未去日本前先出血.

在機場取回行李便搭空港線前往位於中洲川端的Hotel Hakata Excel,由於地鐵位於福岡內陸機場,我們乘搭免費巴士由國際空港前往該處,約時八分鐘,所以到達酒店已是晚上十時了.


我們休息了一會便外出找食物,在酒店大堂詢問職員取了博多屋台的詳細地圖,由酒店步行往中洲屋台只需五至七分鐘的路程,這是我為何選這酒店的原因.

之前做過資料搜集,大多數的屋台會在星期天休息,所以我們抱著失意的心前往,誰知這地方的屋台今天全開,而且非常熱鬧.


雖然已是夜深,但每個店舖都濟滿人.




我們分別點了以下食物:

拉麵 - 麵是幼身的,湯很濃且不怕肥膩


帶子 - 我喜歡連殼燒,因為干燒比較靱,但我只吃了一粒,其他已不知所踪.


骨付カルピ:唔需要介紹,有牛味,最好吃還是附在骨上的肉丁.


豬手:曾在大板極樂商店街吃過一次,但此次是新鮮燒的,再加上醬汁,豬手很腍,豬皮及筋最好味.



已經忘了有沒有點這個關東煮


這晚埋單大約二至三千日元,在屋台用餐的地方我們巧遇四位志同道合的香港朋友,他們也是日遊狂熱分子吧!可惜我們的遊覽地點不同,最終在回程那天飛機上才相遇.在回酒店前在街角看見了雜誌介紹的一蘭拉麵,雖然已是很飽,但仍想去吃,但由於入面是一人一柜位


所以2人吃一碗是十分困難,幸好大膽的我上前用英文詢問仕應可否兩人吃一碗,他們點頭,後來還叫我們一人坐一卡,還給了一隻空碗給我們,這樣的服務態度簡直一流.我們點了豬骨拉麵,還加了100yen點了多蔥.

這處點麵是在單上選自己的喜好




吃完這碗麵後已是凌晨一時了,我們過馬路後便回到酒店,我用了上次在日本回來的浴鹽泡個熱浴,二時多便睡了.

更多照片

Day 1

食物相

創作者介紹

貝殼館

blac 發表在 痞客邦 PIXNET 留言(16) 人氣()


留言列表 (16)

發表留言
  • Ah ming
  • 點解、點解?你的飛機餐咁正…
    香港飛台灣竟然有生果食、同台灣飛日本餐都正…
    我香港飛日本都無生果食呀!
  • 係! 我都覺得飛機餐好正, 所以食到好飽!

    blac 於 2007/06/29 09:23 回覆

  • Wendy
  • 飛機餐看來不錯,妳是坐頭等還是商務的嗎?

    另外,意粉的樣子好掂,是機場那間餐廳呢? 屋台美食都吸引,攪到我想改變目的地添.
  • 我是坐普通座位的. 機場餐廳係峰景, 個度d質素幾掂. 博多我都鍾意佢有多野買外, 另一是屋台, 所以我去晒所有屋台, 係博多個幾晚晚晚都好夜sleep. 而且一日食好多餐添

    blac 於 2007/06/29 09:27 回覆

  • 小彭
  • 九時才到福岡, 但第一天的活動已很精彩!
  • 雖然在機場要等三小時, 但我們又吃又飲又買, 時間過得很快, 忘了說我們還到星巴克飲咖啡添 ^^

    blac 於 2007/06/29 09:28 回覆

  • carjaswong
  • 有飛機餐相嗎?點解我唔見o既?

    好精彩的第一天,小蝦真食得!
  • click 文章最低處有相簿link. 小蝦話回來肥了幾磅. 睇埋第二天遊記, 你就知我地有幾食得.

    blac 於 2007/06/29 09:31 回覆

  • 小彭
  • 上面有LINK架! 仲有KITTY出場啦!
  • 小娜
  • 第一日o既精彩程度好似人o地去o左七日咁 ......
  • 所以我會再返九州的, 反正還有好多地方未去 ^_^

    blac 於 2007/06/29 09:33 回覆

  • 大頭仔
  • 恨死人喇!睇嚟未來一兩個星期會一路睇你的報道一面流口水!

    很想試吓在屋台吃東西的滋味!
  • 雖然天氣熱, 坐係屋台上食下食下都流汗, 不過氣氛真係好好, 但冬d既天氣會仲正.

    blac 於 2007/06/29 09:34 回覆

  • supageti
  • 博多屋台真好風味!
  • 對,屋台有好多野食架.

    blac 於 2007/06/29 09:34 回覆

  • 小妹
  • 你做乜同Kitty著fur呀? 熱死佢啦.
  • galaxy
  • 個間房咁大間,算唔算係總統套房 ? 我住個D日本酒店房好細間, 一入門口就係床,沒有多餘地方比你行。
  • 老c
  • 福岡的拉麵同北海道比, 你中意邊個多d?
  • 貝拉
  • 小妹: 因為隻kitty從北海道黎, 著左唔想除羅.
    galaxy: 哈哈哈!終於有人問了, 張相係用wide鏡影,所以睇落好大間, 其實唔大架.... 之後豪斯登堡個個大好多好多.
    老c: 我鍾意食九州拉麵, 因為北海道個d湯底好鬼肥膩. 今程係我食拉麵最多既一次.
  • HY
  • 去福岡的班機就是時間不好,但吃的便宜又吸引……對,冬天去才好。
  • 我覺得不氣凍時hea屋台最好,d關東煮暖住暖住好舒服. 我今次熱左少少, 不過幸好夜晚有風.

    blac 於 2007/06/30 10:28 回覆

  • 小彭
  • 冬天去也有些不足, 就是沒有翠綠的山巒, 而我年末去的時候, 又沒有雪, 所以d山好醜樣架!
  • 咁天去羅,有紅葉. 不過好似四五月去有好多花睇.

    blac 於 2007/06/30 10:29 回覆

  • carjaswong
  • 咁春天會唔會好d? 太熱不想吃街邊.
  • 等睇櫻花羅. ^_^, 幾時去姐.

    blac 於 2007/06/30 10:30 回覆

  • 阿茄
  • 真係好精彩,第一日就食到咁多野,繼續努力,追看中。
    小蝦買了新wide鏡?
    做咩用英文問人地可否兩人吃一碗,你d日文去咗邊?
  • 支WIDE鏡係上次西葡之旅買既,好耐LU...我話晒D日文無讀半年,生疏晒LU.

    blac 於 2007/07/03 19:02 回覆